الدوايمة / حنظلة يريد تغيير الشباب

ككل صباح يطل حنظلة من شباك منزله او ما تبقى منه

من نافذة مطلة على ازقة المخيم فيمد يديه ليمسك شباك جاره احمد

احمد احمد وينك يا زلمة

فيسمع هدير صوت البابور ( غاز المخيم ) كان قديما يطبخ عليه وله رنة قوية لمن حضره

ويفتح الشباك واحمد ببيجامته الملونة يصرخ ايش بدك يا زلمة

صبحت مثل البوم تنعك (احدى اللهجات الفلسطينية )

نفخ حنظلة بدخان سيجارته تاهيشة المطورة بوجه احمد

تعال نشرب شاي ونسمع آخر الأخبار

جلس حنظلة على باب منزله وأخذ كرسي ثاني لاحمد وابريق الشاي المعتاد

شو بدك من هيك أخبار

والله الواحد يا زلمة ما هو عارف مين ضد مين

ولا مين مع مين

مصر كامت ثورة شباب الله ينصرهم لكن شو صار بعدين

تونس حرق حاله المسخم وولعت بالبلد

ليبيا غرقت بين ثوار ونيتو وثوار وبيتو

وشوف سوريا والله الواحد ما بيعرف مين الصح

درعا يكولو كتلوهم وحماة ذبحوهم

والأخبار عندهم تقول كله من الخارج

شو يقصدو حنظلة بالخارج لانك فهمان بالسياسة

احمرت عيون حنظلة من دخان سيجارته وسحب من كاسة الشاي وقال

ما تعرف مين الخارج

الحمام يا زلمة

تتذكر لما كان احمد في اذاعة فلسطين يقول راح العدو زحف العدو

قامت الكوات العربية بدحر العدو

وهينا الحمد لله مدحورين بالمخيم

طيب يا حنظلة شو بدهم الشباب

بدهم تغيير يا زلمة

بدهم كايد شاب يكون يعرف الله

بدهم كلمة حك عند سلطان اعوج

مالك يا زلمة اشرب شاي واسمع اخر الأخبار

ابو حسن جارنا ولدت مرته وكان بدو يسمسه القذافي طلق المرة واتخلى عن الولد

ام عطا راحت تزور بنتها في مخيم اليرموك لحد اليوم ما عنها اخبار

سلامة الأكرع ابنه في مصر اله ستة شهور نايم على حدود رفح

اكلك اشرب شاي وخلينا ننسا

الفلك سيجارة هيشة على مزاجك

خذلك نفس وتخيل نفسك عايش

كيف الدنيا لفت فيك

اه والله يا حنظلة يحرك ابوها ناااار

تعرف الحين فهمت انه العالم بدو يغير الشباب

تعرف انه السيجارة فهمتني اكثر

صب شاي يا زلمة

ولم تنتهي قصتنا

ابو جهاد / منتديات الدوايمة

» الشباب الفلسطيني يطلق حملة "الشعب يريد إنهاء الانقسام"
» الدوايمة / حنظلة قادم
» الدوايمة / يوميات حنظلة الفلسطيني
» الدوايمة / حنظلة تضامناً مع الأقصى
» الدوايمة / حنظلة والثورات العربية