ضيوف اخر الليل في بيت خلف وشفيقه

بسم الله الرحمن الرحيم

ضيوف اخر الليل في بيت خلف وشفيقه

خلف وشفيقه اخر إنسجام والليله عال العال والغزل شغال عيونكي مثل عيون بوم وأحلى بشويه , شفيقه ترد عليه وعيونك مثل عيون جراده , خشمكي مثل مزراب بيتنا , خشمك حبيبي مثل داخونة الترين (القطار يعني ) عارفه يا شفيقه دخيل الي خلقك شو إنك بتشبهي العنزه تبعت اهلكي أمكي كنها توحمت على عنز شامي لطلع شكلك مثل هيك , مليح بلكي ولدتيلنا بالتوم مثل العنز الشامي , شفيقه تتقهقر ضاحكه يا باي محلى حكياتك يا خلف , خلف ها شو لعاد بتفكريني قليل بهالدنيا , اني مثقف ثقافه فوق كثير معي محو اميه بتفوق , والله هالاميه ما خلت حد غشيم يا خلف , شايفه يا شفيقه خلص إن شاء بسجلكي بوحده اذا بظلي مليحه معي , عن جد يا خلف ولا بتمزح معي , لا بجد يا شفيقه , لعاد خليني اقوم أعملك أحلى عشى , ماشي يا شفيقه ترى مصاريني بتقول واع واع , يو خسى الواع يا خشاشيم قلبي يا خلف .
خلف يتمدد قليلا بعد المغازله الجميله مع شفيقه ولا الباب بدق , شوفي مين يا شفيقه من هو الي على الباب , يا هلا زرتنا البركه والله طبعا شفيقه بتهلي بالضيوف , خلف يقول في نفسه إيه شو ضيوف بهالمسا وجع يتكو تك هو إحنا فاضيين لنستقبل ضيوف في هالساعه أما قلة حيا , شفيقه يا خلف هذا إبن خالتي محسن هو وعياله إجو يزورونا , تزورهم ام اربعه واربعين يا رب , هلا هلا بالضيوف على المضافه يا شفيقه هيني جيت و الله لا كان جاب الغلا وشو بده بهالساع محسن وعياله فرحت كثير بزيارتهم , شفيقه يالله يا زلمه الناس دخلوا المضافه , خلف وشو بده محسن جاي تالي الليل اكيد بده يذكرني بقروشاته الى أقترظتهم منه قبل سنه ها لعاد لويش جايني بنصاص الليل الله لا كان جابه , شفيقه عيب يا زلمه ممكن جاي يطمن علينا ويزورنا و يزورنا تالي هالليل , اصلا أنا هالمحسن ما بنزلي من زور , قوم يا زلمه عيب الظيوف بالمضافه شو يقولوا عنا , خلف يا هلا بمحسن والله زارتنا البركه , وبقلبه بقول خسى محسن , محسن والله هلا بخلف وشلونك وشلون ايامك , هلا والله وشلونك يا خيتي أم زعل وشلونك وشلون هلك , الحمد لله مشتاقينلكم طيب اهلا اهلا نورتونا بهالليل , ام زعل والله أنا قلت لمحسن خلينا نزور خلف وشفيقه ونسليهم بهالليل , خلف اه والله يا هلا , خلف تسليكي حيه أم قرون يا رب و والله نورتونا , قومي يا مره سويلنا كباية شاي , محسن لا خيتو ما تعملي شاي خليها بعد العشا , خلف هاه مع تفنجر عيون عشا اه خليها بعد العشا وماله , قامت شفيقه وأم زعل يعملن العشا وخلف قعد مع محسن هرجه رايحه وهرجه جايه ومحسن يتحرقص بده يفتح موضوع الدين الي على خلف بس خلف اشطر منه كل ما يجي يفتح سيرة هالفلوس يسكر عليه خلف يعني هو اشطر من مين و بالاخر فقع محسن وقال والله ودنا نشتري ارض وناقصنا شوية قروش , خلف اه وماله خذ قرض من البنك هالويش فاتحين البنوك , بس إنت عارف انه البنك حرام , اه يا شفيقه شو صار بالعشا , بس دقيقه عن إذنك شوي , ها ماشي إذنك معك خيو , خلف يخرج من الغرفه ويقول قال حرام البنك هالويش فاتحينه حل عني وبس يصير معي قروش بسدك دينتك هو إنت إشتريتني بقروشك , ها يا شفيقه لسه ما خلص سم هالهاري خلصينا خلينا نفتك من زقمه عاملي مثل العقربه براطمه , شفيقه اسكت ليسمعوك يا زلمه , يسمعوا ما يسمعوا اصلا انا مخنوق وبدي اياه يسمع ضيوف قال اخر هالليل , يعود خلف لغرفة المضافه والله هلا بقرايبي يا حيا لله ابو زعل , تحيي يا خلف , بتعرف شو صار بالعراق وليبيا هالايام خلف يدخل في مواضيع ومتاهات حتى ينسي ابو زعل موضوع القروش , وصل العشا تعشوا ولكن خلف كان يسكر على ابو زعل اي موضوع اله علاقه بالقروش , وانتهت الليله على خير وروح ابو زعل براطمه واصله رقبته من الزعل ما قدر يطلب قروشه .
خلف هي يا شفيقه قومي جيبي هالشمعات خلينا نعمل شوية رومانسيه بعد هالعشوه الله لا يسامحه على هالخساره يالي ببالي , وبدي اقول لويش وجهك ضارب على عنز شامي مهو مثل بوز ابن خالتكي ابو زعل , خلف يطفىء الشموع وليله سعيده نتمناها لهم وتصبحون على خير .

مع تحيات
هشام ابو عمر

من الكتابات الشعبية الرائعة ابو عمر بتمنى لك دوام التقدم

خالص تحياتي لك

ههههههه هم ضيوف اخر الليل بزهقوا وخاصة لما بيجوا من غير ميعاد وبقت غير الوقت

عجبتني القصة كتير مشكور اخي هشام يسلمو