قصيدة " ثور " للشاعر عمر الفرا

عضو مميز

ثور ..
ثور تحزم واشعل التنور .

ثور ..

من حيفا لذرة الجولان

ومن غزة لوادي الغور .

ثور ..

وصلها لعين الشمس

ثوره من الجحيم تفور .

ثور ..

الشهادة بالوطن

تعني بدايتنا بطريق النور .

ثور ..

اجبر عالكسر يجبر

بعون الله الكسر مجبور .

فجر ..

كل شرايينك

ولا تمضي العمر ناطور .

تجذر ..

بالارض شجره

ولاتبقى جنح عصفور .

الموت اهون الف نوبه

من العيشه بوطن مقهور .

خساره ..

للي ما يدري

باي لحظه لزوم يثور .

زلزلها .. تهز القاع

دمر .. كل حديد السور .

تعلمنا بتواريخ البشر كلهم ..

العصابة تنتهي بجول
ه
وعلى طول الشعب منصور .

ثور ، ثور ..

يامستعمر ارض بلادي ..

كل شي تغير ، كل شي تحول

لاتحلم برجوع الماضي

غير الثورة - الطلقة لا تتأمل .

ارض بلادي ..

ملك اولادي

ملك الحنطه

وملك المنجل .

غلط وجودك فوق ترابي

غلطك تاريخي من الاول .

جيتك ، ترى جيتك

انا جيتك ..

ما تعرفني شلون

باي شكل باي لون .

نوبه تلقاني بسيارة ،

ونوبه تلقاني بطيارة

ونوبه جني بوسط البحر

بزيه ، من زي البحاره ،

ونوبه تلقاني بالسوق تعاود

تلقاني بالحاره .

بصفارة انذار اطلعلك

بالزمور بضو الشاره اطلعلك

من تحت فراشك اطلعلك

من بين اضراسك اطلعلك

من وردة جوري ،

من شوكه بتين الصباره ،

من المركب ،

من رمل بلادي ،

من حموله تهرب امجادي ،

من تله من سفح الوادي

من شجره وسط البياره .

هذي حلولي

فكر بيها ، خطط واسرح ، روح تأمل .

حللها ، فكر على مهلك ،

ياتقبلها - او ما تقبل .

قصتنا لازم ننهيها

ولو تشلع قلبك ما نرحل
.

[ندعوك للتسجيل في المنتدى أو التعريف بنفسك لمعاينة هذه الصورة]

شكرا اخي رامي الزعاترة
بدك ناس تسمع !!
وتهون المصيبة .. وتتوحد القلوب
يامستعمر ارض بلادي ..
كل شي تغير ، كل شي تحول
حتى سلاح الثوار تحولت بقدرت القادر
من سلاح موجه لصدر العدو
الى صدر الاخ
لا حوله ولا قوة إلا بالله

عضو مميز

الاخت عايدة
ان شاء الله ستتوحد القلوب بس بدها الامور شوية تفائل
لانو بصراحة حتى اكبر المتشائمين ما كان يتوقع الي صار في مصر ......وخلينا نعيش عالامل خصوصا بهالوقت يلي بتكثر فيه"موضة الثورات"
اشكر مرورك ودمتي بالف خير

المدير العام العمر : 59 *المزاج* :

لابد من مرور ازمات في التاريخ
ولا بد من انكسارات لكي تنهض الشعوب بمفاهيم جديدة
اخي رامي قصيدة رائعة للفرا
لاحرمنا من ذوقك الرفيع
دمت بالف خير

عضو مميز

واني لاراها قريبة
"ان تنهض الشعوب من سباتها"
اخي نضال هديب اشكر مرورك واطرائك بما نقلت

» قصيدة ستي أم عطا للشاعر تميم البرغوثي .
» لن أنافق .. للشاعر أحمد مطر
» قصيدة في القدس للشاعر المتألق تميم البرغوثي
» قصائد لا تنسى قصيدة للشاعر عبالله البردوني
» القناعة للشاعر عطا سليمان رموني