تع تخرفكوا عن زمان

المدير العام العمر : 59 *المزاج* :

كان زمان احلى ما كان في كهربا ولا ستالايت ما كان غير الراديو ابو اربع حجار والمظة كاز مشحبره

ندرس على بصيص ضوها والوكس ابو شنبر كان للقعدة والضيوف

والدار كلها غرفة ومطبخ وحوش مستى زينكو ولما كبرت صارت غرفتين وحوش وبركيه بتدلف

بس كان في لمه وكنكنه بالشتا حول بعض وخراريف السهر مع الجدة

على رائحة شواء الخبزعلى تنكة سمنة الغزالين المخزقه فوق الصوبة ام عشر فتايل وبتدلدق الكاز من جنابها

ولما تشتد المربعنية انشعل البابور لبريموس ابو راس مشحبر يدفي الدار ونطبخ عليه.. وبرضو كانت الدنيا اجمل وكان زمان احلى
ولي معكم عوده

اخي صباح الخير

انت نسيت الموقد او الكانون قبل الصوبه

كلنا نكون قاعدين حواليه واللي معاه بصله او حبة بطاطا يشويها وهواية اللعب بالنار رغم تحذيرات الكبار

واتحدى واحد من القاعدين لم يلعب بالنارحتى الكبار

ونشوي كستنا وبطاطا حلوة (ما تصدق كلو....) . كنا نمشي مايقارب الثلاث كيلومترات للوصول للمدرسة

وكانت الصبايا يجلبن الماء في الجرة على راسها من عين السلطان لمسافة 2 كيلومتر تقريب

ايام حلوة بجد ا

المدير العام العمر : 59 *المزاج* :

ملحقتوش الموقد بداءت مسيرتي بصوبا بعشر فتايل الخضرة الكانون كان احسن منها
واقلك شو صار مرة
كانت الدنيا بتشتي وكان الشتا غزير لعند اوخر السبعينات ... وكان يومها المزراب نازل يسلخ بالارض من عزمه وقوته
وكانت المي تمر بقناة داخل حوش جارة النا عجوز ما الها اولاد ولكن كانت مع الاطفال نكديه وبما اني كنت من النوع الحركي دائما تصرخ علي لاني بشوط الفطبول وبيجي على دارها او بتلاقيني متعربش عالحيط الي بين دارها ودارنا بلقط توت فهي متحمضه الي يعني .....وبما انه المي بتمر بحوشها الترابي قناه كبيرة زي ما قلت
والا الصوبه عندنا بتهب داخل الغرفة لان الكاز بطلع من الصحن من تحت لانه صناعتها هامله
وانا من خوفي عالدار وعلينا حملت الصوبه ورميتها بالحوش على البرنده انقلبت ونقلب الكاز مولع فوق الميه
وصار يمشي الكاز مولع على وجه المي وماشي بالقناة وكانت الدنيا مسا والعجوز شافت النار وتصير تصرخ نضال بدو يولعلي الدار يحرقني ههههههه
وطبعا الناس نسوان وزلام فزعوا وطفو النار من القناة وعرفوا الي صار وكان غالبيتهم دوايمة وهي غريبه ونادو علي ابوس ايدها ورحت ورضيت عني طبعا بعد ما شرحت عن مغامراتي ههههههه
الله يرحمها نحن كاطفال كنا انشوفها نكديه وكنا نشوف كل الكبار نكديين لانهم دائما يصرخو علينا وهذا طبعا لانه مفيش ملعب غير بين الدور ...ولكنها كانت جارة طيبه جدا مع امي
وهذا كله المهم من ورى الصوبه لمشعتله ويسعد صباحك استاذنا الكبير رمضان ابو خضرة

ولا ننسى ايضا صوت المطر عندما يتساقط على الواح البركيات له
وقع يشبه سمفونية المطر عندما يشتد صوته فنستيقظ من نومنا واجملها عندما تفتح عيونك على قطرة مطر
دلفت من الثقوب في عينك فعلا كانت ايام وصوت بابور الكاز مع غطاية العلبه المثقبه بنظام
والله ايام ولكن اجملها لمة العيله حول البابور والحكايات من الجدة الشاطر حسن وغيره
وكلها ذكريات لاتنسى وابطالها من غابوا عنا رحلوا وتركوا لنا الذكريات فلا الماضي يعود ولا تنسى الذكريات
كلماتك ولا اجمل وخراريفك لاتمل ننتظر جديدك بشوق ولهفه فلاتطل علينا بخراريفك التي عشناها
ننتظر جديدك

» رمضان زمان تعال و اشرح كيف كان رمضان عندكم زمان
» العراق.. أيام زمان..
» الفرق بين حب ايام زمان وحب هالأايام...........
» حلاوة زمان .. بقلم .أحمد فؤاد نجم