إسأل عنها

عضو برونزي *المزاج* : رايق

السلام عليكم ورحمة الله وبركاته

موضوع كثير صار شائك
أو خلينا نحكي عويص هالأيام بسبب إنتشار إستخدام الإنترنت

و هو موضوع السؤال عن البنت أو الشب عند الخطبة

زمان كانو الناس يسألو جيران الشب أو البنت عن أخلاقهم و حياتهم
و فعلا وقتها كان هيك كافي لأنو كل الجيران كانو يعرفوا بعض و كانت الحياة أبسط
لكن هالأيام حتى الأهل بكونوا يا دوب يعرفوا عن أبنائهم و عن أصحابهم

الكاريكاتير المرفق بختصر الموضوع

و انا حبيت إنو نتناقش
ممكن حدا يكون عندوا رأي يفيدنا

[ندعوك للتسجيل في المنتدى أو التعريف بنفسك لمعاينة هذه الصورة]

عضو الهيئة الادارية نائب المدير

هلا محمود كيفك؟؟؟

بالماضي يا صديقي قد لا تكاد الفتاة تخطو عتبة الباب ، الا للمدرسة

او للضرورة حياة مغلقة رغم بساطتها لا بد من روعتها لكن الزواج يكون تقليدي

والكثير يعانون منه ، الآن وفي عصر الانفتاح والانترنت تستطيع الفتاة اكتشاف عالم اخر

وتزداد ثقافتها وطموحها نحو الافضل ، العلاقات عبر الانترنت هي علاقات ثقافية وتبادل معلومات

وآراء لماذا نضع دائماً الجانب السيء أمام أعيننا ؟؟؟

ولا انكر بالطبع مساويء الانترنت حين لا رقيب وهذا يعود على وعي الابناء وآباءهم

ولي عودة يا صديقي اذا إحتد النقاش Twisted Evil

عضو برونزي *المزاج* : رايق

بداية مشكورة على مرورك و ردك العطر

في عدة أمور خلينا نوضحهم فيما يتعلق بهذا الموضوع:
· الكلام على الجنسين مش على البنات لوحدهم
· ما بدنا نقارن بين أيام سي السيد و أيامنا، خلينا نقارن بين أيامنا و أيام أهلنا، كون إنو برضو على أيام أهلنا كان في درجة من الإنفتاح و البنات كانو يوصلوا للكليات و الجامعات.

فيما يتعلق بعلاقات الحوار البناء و التبادل الثقافي، هذا طبعا شيء موجود و بكثرة مثل المنتدى اللي إحنا فيه الآن، لكن خلينا ننظر شوي للجانب السيء أكيد مش نظرة إنو هو الجانب السائد، لكن نظرة إنو جانب موجود و ما حدا بقدر إنو ما يلاحظو.

و الكلام ما بكون بس على مستوى الإنترنت، برضو الجامعات و المدارس و أشياء كثيرة

عضو الهيئة الادارية نائب المدير

ما عندي مشكلة بنتخرف Laughing

طبعا هناك الجانب السيء المشكلة يا صديقي بالكبت ، وحين الدخول إلى عالم آخر ان كان النت او الجامعات او حتى مجال العمل هناك فئة من الشباب والشابات يجدون نفسهم في عالم آخر لم يعتادوه ، فيجدون كل شيء غريب وعالم رأوه بالافلام او بالخيال إما أن يعتادوه وإما ان يصلوا فيه حد المبالغة هناك عادات تحكمنا علينا عدم تخطيها المهم عدم الوصول للتقليد الاعمى حتى في مجال الموضة واللباس فتراهم يجارونها (إنسى طبعا اذا بيلبق او ما بيلبق عليهم) والله الانفتاح فيه خطورة على كلا الجنسين والقوي في دينه وتربيته هو الذي يربح بالنهاية بأن يستفيد من هذا الانفتاح ما هو بصالحه في تطوير شخصيته ولغة الحوار مع الطرف الاخر .....

ولي عودة

للحديث بقية ( بس تتخرف انت )

عضو برونزي *المزاج* : رايق

طيب بنتخرف...... ههههههههه

كلامك كلو صحيح 100% ولكن......
إحنا للأن أشرنا بس إلى وجود مشكلة و موضوع حوار، المطلوب إنو نتعمق أكثر من هيك
فرضا شب راح طلب بنت، و أهل البنت سألو عالشب و اهل الشب سألو عالبنت و كلو كان تمام
و خطبوا و تزوجوا و اول كم شهر ماشاءالله عليهم

بعد هيك فجأة البنت (الزوجة) إكتشفت إنو الشاب صاحب تاريخ عريق و زاخر بالعلاقات (طبعا لا أهلو ولا الجيران اللي كانوا يحلفوا بحياتو عارفين شو الطبخة)
أو ممكن العكس
الشب يكتشف إنو البنت مش مقصرة برضوا

فشو ممكن يصير بعد هيك؟؟؟؟؟

عضو الهيئة الادارية نائب المدير

أصبحنا وأصبح الملك لله

صباح الخير

يا صديقي تجارب الحياة كثيرة وكثيرة هي العلاقات العابرة منها ما تطبع بالذاكرة لعظمة صاحبها

ورسمه طريق لنا في الحياة ومنها ما يتلاشى كأنه لم يكن ، وحين الارتباط قد يسود التفاهم حتى بعد

معرفة هذه العلاقات ، ومنهم من يزرع الشك أشجاره في علاقتهم فتغدو لا تطاق ، من منا لم يمر

بعلاقة عابرة حتى في نظرة عيون إعجاب بشخص لثقافته لطموحه ، لماذا نحاسب الطرف الاخر

على الماضي وهو ماضي ؟؟؟ حصل لظروف معينة ؟؟ حصل في فترة معينة ؟؟

كل هذا يعتمد على احتواء الطرفين لبعضهما والثقة الناتجة عن الارتباط المقدس للزواج

فالمشاعر اظنها خارجة عن الارادة لا نستطيع التحكم بها ......

انت بس ضلك اسأل وانا اجاوب

انت شو رأيك بالموضوع وما هي نظرتك ؟؟؟؟

عضو برونزي *المزاج* : رايق

أهلا لوول

كلامك كلو تمام التمام

لكن و بما إنك سألتيني عن رأيي...
انا شوي اناني بأمور العلاقات زواج كانت او غيروا، بعرف إنو في كثير سلبيات للأنانية هاي
لكن هيك أنا، و هاد شيء صعب اغيرو

أكيد طبعا أنا ما بقصد العلاقات المسؤولة القائمة على الإحترام
و عندي إيمان راسخ إنو مهما كانت الظروف إحنا كبشر لازم نملك السيطرة على تصرفاتنا

مش ضروري إنو يكون الشك هو السبب
لكن أنا عن نفسي ما أظن إني راح أستحمل حتى فرضية وقوع شيء مثل هيك

بس يا ريت لو باقي الأعضاء يشاركونا الحوار (الخراريف على قولة لوول)
حتى نثري الموضوع و نتعرف على وجهات النظر

عضو الهيئة الادارية نائب المدير

هلا محمود

والله انا توقعت هالنظرة منك ما بعرف ليش بس هيك احساس

طبعاً كشرقيين لا نتحمل هالعلاقات العابرة اللي مرت بحياة احدى الطرفين

لكن ان كانت علاقات مسؤولة ولها هدف واضح فلا بأس بها

وحين الحب وحين التعلق بإنسان ما

ألا نجد في قلوبنا غفراناً وتسامحاً لاجل من نحب ؟؟

أم كالعادة تسيطر علينا الغيرة والرجولة ويعلو الضباب عيوننا

ونرحل؟؟؟ وحين نرحل يبقى الالم في داخلنا ونتمنى لو صفحنا

فقد اضعنا انسان كانت به راحة الحياة وهناء العيش

والله يا محمود هالايام الاعضاء في سبات عميق ان شالله قريباً

بيصحوا منه وبتخرفوا معنا وبيعطونا وجهة نظرهم

لكن لكن لكن ، لا يعني عدم الرد انك تطنش وما تدخل المنتدى

قريباً ان شالله بيرجعوا وبيتفاعلوا

محمود اشكر لك التواصل واشكر لك طرحك الجميل

دمت مميزاً سعيدة بمعرفتك

عضو الهيئة الادارية نائب المدير

أنت صحيح شو برجك ؟؟ شكلك العقرب

ههههههههههههههههههههههه

مشرف سابق العمر : 41 *المزاج* : cool

اهلا اخي محمود
موضوع جيد و راح يكون فيه كتير تضارب الاراء
طبعا كتير ناس بيظربو المثل بناس زمان كانوكتير فاهمين و حكماء وناسيين البلاوي لي كانت بتصير وخاصة بمواضيع الخطبة و الزواج.كانو يزوجو ابنائهم لاشخاص من غير ما ياخدو رايهم.......
انا راي مستحيل نعرف او نكتشف الشخص عن حقيقته حتى نعيش معو,بس لما نسال عنهم ممكن ناخد فكرة عنو او عنها.انا مراة بشوف شيء بعيني ما بصدقو كيف صدق شيء سمعت عنو.مرات بنشوف شيء بعينينا ونفهمو غلط هاي بظن انو صارت مع كتير ناس و معي كمان.
اخي محمود انا ضد الانحلال والتفتح الزايد عن اللزوم بس احنا بزمن التكنولوجيا ,فكل واحد يعيش عصرو.فقط هالتكنولوجيا ساعدت في انتشار الانحلال.بس فيها سلبيات واجابيات عشان هيك انا اهتم بس بالايجابيات.بليز كن شوي ايجابي.

عضو برونزي *المزاج* : رايق

ههههههههههههههه
بجد ضحكت أول ما قرأت الرد
لأنو أنا كمان كنت متوقع إنو تفهمي كلامي أو جزء منو غلط

إنو كونا شرقيين و هيك نظرتنا أنا معك فيها و الغيرة كمان معك فيها
إذا الواحد ما غار على شريك حياتو على مين بدو يغار؟!!!
(شريك حياتو= شب أو بنت)
أما بالنسبة للنظرة الرجولية فأنا من البداية طرحت الموضوع على الطرفين
أكيد الموضوع ظاهر أكثر مع الرجال و هذا بسبب العادات و المجتمع اللي عايشين فيه
لكن خلينا هون نتكلم على الطرفين

وبالنسبة للصفح عمن نحب
ما عندك إيمان مثلي إنو "و ما الحب إلا للحبيب الأول" ؟!!
و أنا بفضل إنو الواحد يحافظ على قلبو مشان يكون جاهز لحب شريك الحياة

أما شو برجي فما راح أقولك
لكن هو مش العقرب
هههههه

ياسمين، شكرا على مرورك
وجهة نظرك معقولة و منطقية إنو مش ممكن نعرف حقيقة الأشخاص إلا لما نعيش معو
لكن المفروض لو الناس اللي بنسألهم عن الشخص كانوا صادقين على الأقل يكون في عنا فكرة عن أخلاقو

أنا إيجابي لأبعد الحدود، لكن و مثل ما قلت قبل إنو خلينا نناقش موضوع السلبيات ولو إفترضنا قلتها
و طبعا لازم نعيش عصرنا و هاد طبعا شيء صحي جدا
و أنا عن نفسي أكثر واحد عايشو
لكن مثل ما قلتي لازم نعيشو بدون إنحلال و إنفتاح سلبي

لوول،
إنشاءالله الأعضاء يرجعوا قريبا لأني حاسس حالي العضو الوحيد و كل الباقي مشرفين
هههههههههه
ولا يهمك
أنا مبلط هون حتى لو راحوا المشرفين كمان
هههه

عضو نشيط الدولة : فلسطين

والله قريت الموضوع وانا افكروين بنت الجيران طلعت بنتيجه وحده بعد التفكير
بنت الجيران ما عادت تطلع في الشباك عشان الحروبلاش تسمر؟؟؟
وابن الجيران جالس قدام الكمبيوتر ويحب في الماسنجر وفي الشات
بنت الجيران تحب روتانا سينما مش حتقدر تغمض عنيك
الشغاله سارت هي الي تروح السوبر ماركت وتنضف الشبابيك
هههههههههههههههههههههههههههههههههههههههههي طيب وين بنت الجيران والزواج التقليدي
تسلم اخي محمود

[/center]

عضو برونزي *المزاج* : رايق

مشكور على المرور
فعلا إنت حطيت إيدك عالوجع
وربنا يهدي بنت جيرانكو و ترجع تطلع عالشباك
هههههههه

عضو الهيئة الادارية نائب المدير

محمود

خلص خليني اطلع انا من هالقصة

لانه بلشوا يردوا عليك

وانت اصلاً العليم بالله مش عاجبتك خراريفي

ههههههههههههههههههه

مرة ثانية اشكر لك طرحك

فتحت مجال للنقاش ولا يزال المجال

مفتوح لبقية الاعضاء

للمساهمة معك بآرائهم

دمت بخير

عضو برونزي *المزاج* : رايق

لا يا لوول
هيك انا بدي أزعل
الخلاف لا يفسد للود قضية
ولو كنا كلنا إلنا نفس الرأي كان شو الفايدة من طرح موضوع للنقاش

و زي ما قال واحد ناسي إسمو: ربما أختلف معك في الرأي
لكني سأدفع حياتي ثمنا لأن تستطيع أن تقول رأيك بحرية

خراريفك كلها عالعين والراس
و آرائك كلها منطقية حتى لو إختلفت معك فيها

إحكولكو كلمة يا جماعة

عضو الهيئة الادارية نائب المدير

لا يا عمي

اخر شعرة بيني وبينك بالنقاش انقطعت

هههههههههههههههههههههههه

اخي محمود بالعكس لا يحلو الحوار

الا اذا تعددت الاراء

انا اقدم رأيي وليس بالضرورة ان تقتنع به

وانت كذلك لا ضرورة ان أقتنع برأيك

لكن جميل ان آخذ الجزء الجميل من قناعاتك

وأضيفها لقناعاتي ، فهذا يزيد من سعة الفكر لدينا

انا كنت بدي عطوة وقصة وقهوة سادة

بس خلص مشي الحال

ههههههههههههههههه

دمت مميزاً

عضو برونزي *المزاج* : رايق

في هاي أنا أتفق معك 100%

عطوة و قهوة سادة !!
هههههههههههههههههههههههههه

فكرتيني بزمان
مرة و أنا صغير عملت طوشة مع ولاد الجيران
و يومها إنفشخ راسي، هههه
و كبرت بعديها المشكلة
و هاتي مليون رجال يحلوا طوشة ولاد صغار
عطاوي و قصص ما بتخلص
ههههههههههه

و دمتي سالمة مميزة

» هذه هي الثوابت ياعباس .. لن نتخلى عنها
» أم المؤمنين جويرية بنت الحارث (رضي الله عنها) .
» عشرة أشياء لن يسألك الله عنها :
» عشره اشياء لا يسالك الله عنها!!!!!!!!!!!!!!1
» حدود 1967 لا يمكن الدفاع عنها