مصطلحات فلسطينية متداولة

بعض المصطلحات الفلسطينية المتاولة

بنكيت = الرصيف في الشارع

البيارة = المزرعة

شمينت = نوع من انواع اللبن مفردة من مخلفات العدو الصهيوني

ككسة = كيكة

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور
الكاز)

مخدة = وسادة

زرفيل = قفل الباب

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزور = إشارة مرور ضوئية

كلنس = محارم

سطل = جردل = دلو = و أيضا تقال للشخص الغبي جدا

هواية = مروحة

نونة = يعني شوي

نتفة = اقل من شوية هههههههه

ونجك حالك = رستك حالك = يعني زبط حالك

روق يا ضاوي = يعني وحد الله يا مجنون
على بلاطة = يعني من الآخر

كوشي = يعني اسود

شكشوكه = (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورصة = فسحة اللي في نص الحصص في المدرسة

فيدوس = عطلة (عادة عطلة المدارس) و الصفة منها مفودس

كنتين = كافتيريا المدرسة

صف = فصل المدرسة

الدالية = هي شجرة العنب

يقال تعال نقعد تحت الداليه بمعني هيا بنا نجلس تحت شجرة العنب

الزغيرة = الزغنونة = صغيرة

جمظة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر

اجنص = لنج =جديد

مواسرجي = السباك ... الرجل الذي يقوم بتصلح المجاري

حنفية = صنبور= مصورة

مية متلجة = مياة مثلجة

ورا الدار = خلف البيت

قاع الدار = الجزء الامامي للدار

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = بربيش = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة

كوربة = التفاف الشارع .. تقاطع يعني

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

ام العبد و ابو العبد = اسم فلسطيني قح

قح = عالاخر

فرم الشاب = طحنه = خلاه زي الطحينه

فعص في بطن الشاب = خبط في بطنه هلكه

جلدة راسه خميله = عبيط او بفهمش بسرعه

بدكاش = بدكيش = بدكش = ما بدك

شاكوش = مطرقة

فطبول = كرة قدم

طقية = قبعة

شمر = ارفع البنطلون او الجلبية وافكح او اجري

قرفان = واحد مش طايق حالو بالمرة

سك عالدم = يعني انسى ومش فايقلك

برقان = برتكان = برتقال

بوزك = وجهك

زير = الاناء المصنوع من الفخار يوضع في الماء

قشاط = سبك = سير = حزام = اللى بيكون على البنطلون

طنجره = وعاء الطبخ = و أيضا تستخدم لوصف الشخص الغبي و يوصف مطنجر

الحين =هلأ = هلكيت = هسا = الان

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط

الخوصة = السكين

شرشف = ملاية

جربان = جراب ( في الرجل بلبسوه )

شاف = اللي بيحطو فيه الميّة

ليدن = لبان = علكة

احلقلو = طنشو = اكحشلو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

قمباز = لباس فلسطيني يلبسه الختارية

سجرة = شجرة

اسكومية = يعني ايس كريم هههههههه ( الدلع )

الفرشوحه = يعني سندويش الشاورما بالغزاوي القح

ريحة : يعني عطر

قصافة = يعني مقص أظافر

هلأ = الان = هسا = الحين بالفلاحي

مطعوج = من الفعل انطعج

والمصدر تاعو انطعاج وهو الشء المعوج

فشكة = بيت الرصاصة الفارغه...

ازعق عليه = نادي عليه

ضلك كاوي = ضلك ماشي على طول (نفس الطريق )

يختي = اسلوب نداء للمؤنث

يخو= اسلوب نداء للمذكر

بعكش = فتش = ابحث = دور

بسكليت = يعني دراجة

بنكش راس= بمزح

أنطي = معلمه =أبلة

عرسة= فأر كبير

مبروع = مبسوط

=-=-=-=-=-=-=-=-=-=-=-=-=-=-=-=-=

ملاحظة : الكلمات خاصة بعدد من المناطق المختلفة في فلسطين - لذا لا تستغرب وجود كلمات (لاول مرة بتسمع فيها)

*-*-*-*-*-*-*-*-*-*-*-*-*-*-*-*-*

منقول

عوض غوانمة / ابو جهاد

» مصطلحات صهيونية
» مصطلحات من الآخر
» مصطلحات يهودية اصبحنا نقلدها ؟,,,,,,
» فلسطينية أنا
» اعرف عدوك مفاهيم و مصطلحات عبرية