طالب توجيهي من الأخر

عضو برونزي *المزاج* : كالبحر

blue]=18]
بسم الله الرحمن الرحيم

طالب توجيهي من الأخر ,وصل التوجيهي بعد الدفش والرفش والواسطات مع هيك رسب ثلاث مرات ,محمل أهله جميله , هس
أسكت عنا طالب توجيهي ليش هو وينه الطالب , بسكر الباب على
حاله وبعلن الطوارىءقال شو الأخ بدرس ولك شو بتدرس لتفكر حالك
طالب عن جد من حق وحقيق هو اصلا فكركم عنده كتب مزعهم من زمان
قبل ثلاث سنين خلاص ما الهم لازمه الكتب حفظهم غيب اه يا عمي
التكرار بعلم الشطار وهو خلاص تعلم الدرس وختم العلم ,راسه مسكين بده يوسع ايش ولا ايش فيزياء ولا كيمياء ولا عربي ولا انجليزي
والي بسطحك وبفلقك انه الاخ دايما بسمع اغاني أجنبية وعلامته بالانجليزي بالسالب هو يعني مين قالكم بعرف لحروف الانجليزية
خوف الله ما بعرف يفرق بين الأي(A) وكوز الذرة , ربك ستار على عبيده
ولا بالدين يا حبيبي كل ما بيسأله ابوه ها ياولد درست الدين برد وبكل بقاحه ايه ليش انا كافر بتفكر ما بفهم بالدين ما انا مسلم يابا وبفهم بديني , برد الأب طيب يابا ربنا يوفقك طيب والعربي هوهو برد الطالب هو قالولك عني فرنسي يعني ما انا عربي وبفهم يابا والله بفهم,المهم انا مذهول من هالطالب الفهمان عن جد انه فلتة زمانه ربنا يحفظه ويكثر امثاله والمشكله يا حرام امه الي نازله تدعيله ربنا ينجحك ويوفقك
والله ما بعرف كيف ربنا بده ينجحه ويوفقه وهو اصلا ما عنده كتب
قال وشو الاخ بده يدرس على التكنلوجيا كيف يا الحبيب , ابوه اشتراله كمبيوتر جديد طخ بورقته والاخ مش عاجبه كيف بده يدرس لازم يركبله ابوه نت علشان يحل الاسئله عن النت طبعا هيك المطلوب بدخل يدرس الاخ وبطلب عدم الإزعاج هلا والله حبيبي قاعد على الشات بحكي وبتخرف وابوه وامه بدعوله من صماصيم قلبهم ربنا ينجحه تيصير دكتور والله ماني فاهم كيف بده يصير دكتور لا ولبسطحك من عقلها امه بتقاتل على أخوانه ما يعملوا صوت وازعاج وبالأخر بسقط وللمره الرابعه على التوالي يا حرام الاسئله ما كانت متوقعه بس أكيد حيشد حيله ويرفع راس ابوه وأمه ويصير مهندس او دكتور طبعا معقول يفشلهم رابع ولا خامس مره.

أنا متفائل هو لو الأهل يشدوا حيلهم بالدعاء مع بدايه السنه ان شاء الله راح ينجح.

وتقبلوا تحياتي
حقوق الطبع محفوظه
بقلم
هشام أبو عمر[/size]

عضو برونزي الدولة : الاردن

ههههههههههههههه
طالب توجيهي مميز ما شاء الله عنه وانا طبعا حاطه ايدي بأيده هذا الطالب النجيب
بس اذا ممكن يا عمو تحكيلي مي هو هذا الطالب؟؟؟
وصفك كان مميز وكلمات في قمة الروعه
دمت بكل خير
تحياتي لك

عضو مميز

والله هالطالب والي متلة بجد من الاخر يلا بجوز اخرة التكرار تعلمة
اخي ابو عمر عجبني اسلوبك كتير دام قلمك ا
تقبل مروري بود عاشت فتح

عضو برونزي *المزاج* : كالبحر

بسم الله الرحمن الرحيم

رمز المشاعر الأخت عاشت فتح
شكرا على مروركم الذي عطر الموضوع وللأسف الشديد بقولها وبكل حرقه انه موجود بكثره هذا النوع من الطلاب فلقد رايتهم وشاهدتهم
ندعوا الله ان يهديهم ويصلحهم,ويا رمز المشاعر اتمنالك التوفيق والنجاح في الثانويه وتكون الاسئله متوقعه .مش مثل صاحبنا هههههههههه

ابو عمر

عضو ذهبي *المزاج* : حسب الظروف

بسم الله الرحمن الرحيم
والصلاة والسلام على رسولنا الكريم
أبو عمر
قطع قلبي هالطاب
هههههههه
انا معه قلباً وقالباً لأن الظروف مش مساعديته
الله ينجح جميع الطلاب وخصوصاً
اللي ببالي وبتعرف حالها Rolling Eyes

ههههههههه
دام قلمك الذي يرسم الإبتسامة على وجوهنا
في ظروف نسينا فيها كيف الإبتسام

بسمة زرارة

عضو ذهبي *المزاج* : حسب الظروف

بسم الله الرحمن الرحيم
والصلاة والسلام على رسولنا الكريم
أبو عمر
قطع قلبي هالطاب
هههههههه
انا معه قلباً وقالباً لأن الظروف مش مساعديته
الله ينجح جميع الطلاب وخصوصاً
اللي ببالي وبتعرف حالها Rolling Eyes

ههههههههه
دام قلمك الذي يرسم الإبتسامة على وجوهنا
في ظروف نسينا فيها كيف الإبتسام

بسمة زرارة

» فتح وحماس يحملان بعضهما تعثر جهود المصالحة وكلاهما ينتظر خطوة من الأخر
» طالب جامعي
» علي ابن ابي طالب والامريكي
» نسب عبد السلام مشيش يصل إلى علي بن أبي طالب رضي الله عنه
» مقتطفات من بحور علم الامام علي بن ابي طالب