حوار بريئ تدمع له العين

حوار طفلتان شهيدتان في ثلاجة الموتى!!

حوار بريئ تدمع له العين :

صباحاً : تنازعتا على سندويشة "الزعتر"، وتضاحكتا، ووخزت إحداهما الثانية في خاصرتها !
ظهراً : تقرآن درس "الحساب" معاً، وتتراشقان بوسادتين !
عصراً : تنامان كأي حمامتين ذبيحتين على وسادة معدنية في ثلاجة الموتى !!
.. لم يصل بهما الحمار إلى أي مرفأ، ولم تمدّ المذيعة الحزينة كفّها من الشاشة لتنتشلهما من فم الموت، .. تقول الصغيرة للشقيقة : برد كتييييير يا هيا !! لماذا القبر هكذا بارد ويلمع مثل الحديد ؟
- "لما" هذا ليس القبر يا حبيبتي .. هذه ثلاجة المستشفى ، التي كنا نراها على التلفزيون !!
- هل سترانا "بنات صفّنا" اليوم على التلفزيون ؟!
- طبعا ، نحن الآن شهيدتان!!

- معقول ؟ انا شهيدة ؟ أنا لسه صغيرة هيا !! كنت حابة أصير دكتورة مو شهيدة !!
- نامي الآن ، غدا سنذهب الى الله ، لازم نصحى بكير!!
- هيا .. بتعتقدي مات الحمار؟
- بيجوز.. بس بتعرفي؟ انا كنت حابّة أكمل المسلسل قبل ما أموت ، نيّالهم سماح وعلا رح يعرفوا شو رح يصير بالآخر!
- ما في تلفزيون بالجنة ؟؟ بنشوفه هناك !
- تعالي لصّقي فيّ .. قرّبي أكتر حبيبتي..
- هيا.. ليه بيظلّوا يفتحوا علينا باب الثلاجة ؟
- عشان المصورين بيصوروا الشهدا
- طيب هلّا بكرة عند الله رح يحطّوني بالنار؟
- ليه انتي شو عاملة "لما" ؟
- بتعرفي الاسبوع الماضي أخذت قلم اياد وما رجعته ، خايفة الله يكون زعلان مني
- لا حبيبتي ما تخافي .. اياد أخوك وهلا بيكون يدعيلك ويقرألك الفاتحة والله رح يسامحك
- بكرة اي ساعة رح نطلع؟
- ما بعرف بالزبط لأنه في شهدا كتير كان اليوم ، ورح يكون زحمة كتير
- صحيح هيا صحيح !! ممكن بكرة نسأل عن حبيبنا أبو عمار وعن الشيخ احمد ياسين ونسلم عليهم هناك
- هيا .. ليه ما بيجبولنا أكل هون؟؟
- شو أكل ؟؟ إحنا ميتات يا حبيبتي !! مالك إنت؟
- ميتات ؟؟؟ مو حكيتيلي قبل شوي شهيدات؟؟ انا جعانة ؟
- اصبري للصبح بتاكلي بالجنة
- ما بدي خلص بطلت أستشهد !! بدّي أروّح !! افتحيلي بدي أطلع ..
- وين بدك ترجعي يا مسكينة ؟
- على بيتنا !!
- بيتنا تهدم حبيبتي وما ظل منو اي حجر
- بنتخبى بالجامع
- الجامع هدموه كمان
- طيب وين راح "الحمار" ؟؟ وين تخبّى ؟!
- "الحمار" بيدبر حاله !! ما تخافي عليه
- يعني خلص ما رح نرجع ع البيت ؟
- لأ ! هلّا بيتنا عند الله !!
- أحسن .. في هناك مدارس؟؟
- لأ .. ما تخافي
- طيب في حرب ؟؟
- ما بعرف !! يمكن !!
- بتعرفي انا خايفة كتير على بابا
- ليه؟؟
- امبارح كان يحكي انو العرب بدهم ايانا نعمل انتفاضة تالتة .. وخايف يموت فيها
- شو يعني انتفاضة ؟
- يعني فلسطينية كتيييييير يموتوا
- وشو بيصير بعدها ؟
- ولا شي !!
- كيف ولا شي يعني ؟؟
- ولا شي !!
- طيب ليه العرب بدهم ايانا ننتفض من جديد ؟
- عشان يحسوا انو احنا بنموت واحنا بنحارب مو واحنا نايمين
- وهم شو بيفرق معهم ؟
- بيكونوا مرتاحين اكتر !!
- يا حرام العرب كتييير بتعبوا وهم يصرخوا ع التلفزيون .. أنا بحزن عليهم !!
- طيب احنا ليش اسرائيل بتكرهنا ؟
- اووف .. انت ليه اليوم اسئلتك كتيرة ؟؟
- زهقانة !!! ما في تلفزيون ولا أكل .. وبرد كتييير
- خلينا بحالنا هلا وقت تلفزيون
- شفتي خطيب الجامع ع التلفزيون؟ كان يدعيلنا كتير
- ولك هاد مو خطيب الجامع هاد (عمو الزلمة) !!
- طيب شو يعني المقاومة اللي كان يحكي عنها ؟
- يعني انو ما تهربي من الصاروخ زي ما كنتي بدك تعملي
- يعني هلا هو ما بيحب اياد لأنو هرب من الصاروخ؟!!
- ما بعرف بس اياد ما بيعرف يقاوم
- طيب هو عمو الزلمة كيف بيقاوم ؟؟
- اوووف !! شو بعرفني اسأليه !!
- بيرموا صواريخ صغيرة ع اسرائيل .. صح؟؟
- اه ..
- طيب هاي ما بتنفع.. ما بتصيب حدا
- شو رايك انتي يعني ؟؟
- ما عندو صواريخ كبيرة تقتل كل اسرائيل ؟
- لأ ما عندو .. وخلص اسكتي..
- ما بدي اسكت .. بدي افهم انا ليش متت ؟؟
- عادي يعني .. مو احنا دايما بنموت ؟
- بس الحمار هرب .. ما مات ..
- لأنه حمار !!
- بتعرفي امبارح شفت "بقج الملابس" اللي بعثوها العرب .. حلوة كتيييييير... لو ما متنا كان طلعلي فستان ولا لعبة
- شو هالصوت ؟؟؟ سامعة الضجة ؟
- شكله الممرض فاتح التلفزيون .. هاي مظاهرات عشان احنا متنا..
- يعني هلا بيكتبوا عنا شعر زي محمد الدرة ؟
- اه بس يا خسارة " درويش" مات .. مين رح يكتب ؟
- عندي فكرة !! بكرة بشوف درويش عند ربنا وبخلّيه يكتب قصيدة النا لحالنا ما حدا يقرأها غير انا وانت
- فكرة حلوة
- طيب احكي للممرض يحط ع المسلسل !!
- كيف احكي ؟ انا ميتة مثلك !!
- طيب هلا بس ينام الممرض رح انزل من هاد الجارور شوي شوي .. ع السُكّيت .. وأهرب ع البيت
- لأ .. اوعي .. بيشوفوكي وبيطخوكي كمان مرة
- ليه ؟؟ بشوف الحمار وين اتخبى وبتخبى مثله
- بيزعل منك عمو الزلمة ؟
- طيب هو عمو الزلمة ليه قاعد جوا التلفزيون ؟ ليه مو معانا ؟
- اوووف .. انتي بدك تخربي بيتنا بكلامك ؟؟
- انتي مو حكيتي بيتنا تهدم ؟؟
- اه بس قصدي .. خلص اسكتي..
- يا الللله لو اني هلا بالبيت كنت عملت سندويشة لبنة ...
- شو بالك فاضي !!
- طيب عمو الزلمة بيحب سندويشة اللبنة ؟؟
- لأ هو ما بيحب غير الصمود .. بس
- يا اللللله .. يعني شو اعمل حاسّة بدي أموت ع سندويشة لبنة !!

اخت امل فلسطين

دموع حنظلة تجر سيول على هذا السرد الرائع

ولا اخفيكي اخفي دموعي لاضحك على حنظلة ان لا يراني

لانه يبكي تارة وعينيه على الساندويشة

وندعو الله ان نستمر في الصمود

واتمنى لكي ان يظل قلمك حرا

ابو جهاد / عوض غوانمة

عضو نشيط

يااااااااا ه حوار تخيلتة وعشت بداخلة

الدموع لا تكفي والحزن لا يكفي يجب ان يكون هناك فعل

لكي يشعر اطفالنا بالامان

بكفي دموع بكفي موت ؟؟؟؟؟ بكفي يا عرب

الاخوة

ابو جهاد

ابن القدس

العين تدمع والقلب يدمي
واللسان يعجز عن التعبير
لا حول ولا قوة الا بالله
وحسبي الله ونعم الوكيل
على الحكام العرب
المتواطئين والمتخاذلين على شعبنا

شكرا لمروركم

لا حول ولا قوة الا بالله
وحسبي الله ونعم الوكيل

امل فلسطين

والله ما بعرف شو اقولك
احسست بطعنات موجعة
وحوار تدمع له العين والقلب
بحق ماذا بعد يا عرب وماذا تنتظرون
والى متى؟؟؟؟

دمت بخير
هيفاء

حسبي الله ونعم الوكيل

بكل من شارك بقتل اطفالنا
فليس فقط الصهاينه
انما ايضا التخاذل العربي
يذبح اطفالنا
هيفاء
شكرا لمرورك

» قصة تدمع العين
» إلتهاب ملتحمة العين الحاد (إحمرار العين)
» رشاد أبو شاور.... حوار ثقافي أبأس من حوار المصالحة السياسي!
» فتاة .. تختفي عن أهلها في وقت متأخر من الليل , الام تنهار والاب تدمع عيناه فرحاً
» معجم العين